Kahan aa k ruknay thay rastay.. by Amjad Islam Amjad

Kahan Aake Rukne The Raaste, Kahan Mour Tha Usey Bhool Ja
Jo Mil Gaya Usey Yaad Rakh, Jo Na Mila, Usey Bhool Ja...

Woh Tere Naseeb Ki Barishein Kisi Aur Chhat Per Baras Gayeen
Dil-e-bekhabar meri baat Sun, Usey Bhool Ja, Usey Bhool Ja...

Mein to gum tha tere hi dhiyan mein, teri aas, tere gumaan mein
Saba keh gayi mere kaan mein, mere saath aa, Usey Bhool Ja...

Kisi aankh mein nahin ashk-e-gham, tere baad kuchh bhi nahin hai kam
Tujhe zindagi ne bhula diya, tu bhi muskura, Usey Bhool Ja...

Kion ata hoa hai gubar mein, gham-e-zindagi ke fishar mein
Woh jo darj tha tere bakht mein, so woh hogaya, Usey Bhool Ja...

Na woh aankh hi teri aankh thi na woh khwaab hi tera khwaab tha
Dil-e-muntazir to ye kis liye, tera jagna, Usey Bhool Ja...

Jo bisaat-e-jaan hi ulat gaya, woh jo raste hi palat gaya 

Usey rokne se husool kiya, usey mat bula, Usey Bhool Ja... !!

Copied from Urdu World Forum